~رمضان يجمعنا على الخير~

بسم الله الرحمن الرحيم

السلام عليكم ورحمة الله وبركاته
اخباركم بنات ؟


اخواتي الغاليات كلها كم يوم ويجي شهر رمضان الله يبلغنا اياه واحنا بصحة وخير يارب
نبغى نستغل رمضان هالسنه بكل شي يفيدنا الوحده مننا ماتضمن عمرها تلحق رمضان الجاي ولا رمضان هالسنه اخر رمضان لها نبغى يكون لنا اثر تكون لنا بصمة نسوي يشي يرضي ربنا شي يزيد من حسناتنا يعني رمضان مره بالسنه اذا مااستغلينها بالعمل الصالح فحنا خسرانين


جاء في بالي فكرة وحبيت اننا نتشارك فيها كلنا
احنا دايم ندخل المنتدى يوميا واكيد رمضان نفس الشي راح ندخل كل يوم ويكون اجتماعنا بالغالب في الاستراحه
جاء في بالي انه يكون لنا برنامج في رمضان واذا كان لك جدول تمشين عليه مممكن تحطينه ونستفيد كلنا منه وتاخذين الاجر

الافكار اللي جت في بالي
*نختم القران 3 مرات بالشهر واذا حابين اكثر حلو بس لاني جهزت الجدول بس مافي مشكله لو حابين نغيره
*سنة الفجر وان شاءالله كلنا محافظين عليها بس اقتداء بالرسول صلى الله عليه وسلم كان يقرا في سنة الفجر الكافرون والاخلاص فنحرص على تطبيقها
*نجتهد في المحافظة على صلاة التراويح سواء بالمسجد او بالبيت
*نحافظ على السنن والاذكار
*نحافظ على اداء الصلاة في وقتها
*وآخر الليل نصلي لنا كم ركعة وندعي فيها فسهام الليل لاتخطئ
*اذا كان المسجد اللي بالحي فيه افطار صائم نسوي طبق ونرسله او ممكن عامل البقاله قبل المغرب تكلمونه وتعطونه فطور وتاخذين الاجر
*نحاول نكثر من الصدقة اياً كان نوعها بالابتسامة بالكلمة الطيبه بالمال حتى لو باقي الاكل تاخذينه وتعطينه الحيوانات او الخبز تفتتينه للعصافير وتحتسبين الاجر
*نكثر من صلة الارحام والاقارب وممكن نسوي فطور ونجمع فيه العائلة ونحتسب الاجر
*الدعاء وقت الافطار لبعض في ظهر الغيب
*نكثر في الاستغفار قبل الفجر وقت السحر
*نخصص لنا وقت ندخل فيه كلنا ونتدارس تفسير سورة او شرح حديث كل يوم على وحدة وممكن نسوي مسابقة اسئلة في القران والسنه نستفيد منها وكل وحده تجيب معها فائدة عشان نستفيد من وقتنا في رمضان
*بعد مانصلي الفجر نجلس الى الشروق ونصلي ركعتين
هذي الافكار اللي عندي اذا عندك افكار ممكن تضيفينها

بنــــــــــــــــــات خلونا نتعاون مع بعض وننجز شي حلو بحياتنا الى متى واحنا لاهين في هالدنيا الى متى واحنا في غفله خلاص كفايه
خلونا نغير حياتنا نستفيد من وقتنا باللي ينفعنا وربي اذا استغلينا وقتنا باللي ينفعنا بنرتااح ونعيش مبسوطين بعيد عن الهموم والاحزان

فيه حاجـــــــه مررررررررره مهمة وان شاءالله انه هالشي مو فيكم اللي تتابع المسلسلات في رمضان تكفين رمضان هالسنه لاتشوفينها بدليها ببرامج مفيده ونافعه شوفي المجد وبدايه وروائع فيها برامج مرررررررره حلوة ومفيدة وتذكري من ترك شي لله عوضه الله خير منه

ربي يسعدكم ويحفظكم ويبارك فيكم يارب

ياليت تختارون وقت يناسبكم نجتمع فيه في رمضان

ان شاء الله يعجبكم وان شاء الله اشوف الردود الحلوة .

الكاتبة : مجاهدة من فلسطين [ندعوك للتسجيل في المنتدى أو التعريف بنفسك لمعاينة هذه الصورة]